Həmin modeldə təkərlərdən çıxan axıntıların qarışını alan kauçük materialdan qoruyucu var. Zavod istehsalı nəyi nəzərdə tutubsa o normativ hal hesab olunur. Əlavə rezin və sair taxmalar tələb oluna bilməz.

Şəxsi istifadə üçün minik bazasında olan yük və sərnişin avtomobili üçün xüsusi lisenziyaya və digər icazələrə ehtiyac yoxdur.

Yol hərəkəti haqqında Qanun,
Maddə 56. Adamların daşınması

IX. Adamların daşınması:
2) 12 yaşından kiçik uşaqları hesaba almadan, nəqliyyat vasitəsinin texniki xarakteristikasında nəzərdə tutulduğundan artıq sayda (nəqliyyat vasitəsinin faktik kütləsi istehsalçı müəssisənin müəyyən etdiyi icazə verilən maksimum kütlənin kəmiyyətindən artıq olmamalıdır) habelə, motosikletin arxa oturacağında, minik avtomobilinin qabaq oturacağında uşağı saxlayan xüsusi qurğu olmadıqda, 12 yaşınadək uşaqları, minik avtomobilinin arxa oturacağında uşağı saxlayan xüsusi qurğu olmadıqda 3 yaşınadək uşaqları (arxa oturacaqda yanında bir nəfər böyük müşayiətçi olduğu hallar istisna olmaqla) həmin nəqliyyat vasitələrində daşımaq ... qadağan edilir.

QEYD: Xüsusi qurğu olduqda körpə uşaq da ön oturacaqda otura bilər. Oturacaq zavod istehsalçısı nəzərdə tutduğu istimaqətdə quraşdırılmalıdır.

Həmin istiqamətdə sola dönmək olmaz. Orada buna (yalnız düzünə - 2 dəfə təkrarlanan) 1.18 yol nişanlanma xətti icazə vermir. Habelə, intensiv hərəkəti nəzərə alsaq, soldan və sağdan gələn avtomobillərə yaşıl işıq olduğu üçün gedişatda təhlükə yaratmış olursunuz.

Avtomobiliniz yeni modelə restaylinq olunduğuna görə bu barədə qeydiyyat şəhadətnaməsinə qeydlər aparılmalıdır.
Gələcəkdə avtomobilin eyniləşdirilməsində problem yaradarsa, bu dəyişiklik hesabına dövlət orqanları nəqliyyat vasitəsini identifikasiya edə bilir.

Yol hərəkəti haqqında Azərbaycan Respublikasının Qanunu
Maddə 27. Nəqliyyat vasitələrinin dövlət qeydiyyatı
27.2. Nəqliyyat vasitəsinin dövlət qeydiyyatı zamanı onun sahibinə qeydiyyat şəhadətnaməsi verilir.
27.4. Nəqliyyat vasitəsinin texniki göstəricilərində, rəngində, mülkiyyətçisində dəyişiklik baş verdikdə, habelə mühərriki, şassisi (çərçivəsi), kuzovu və ya kabinəsi dəyişdirildikdə həmin nəqliyyat vasitəsi təkrar dövlət qeydiyyatına alınmalı və qeydiyyat şəhadətnaməsinə müvafiq dəyişiklik edilməlidir.

Qeydiyyat şəhadətnaməsi üçün 30 manat, texniki müayinə üçün 30 manat rüsum ödəməli olacaqsınız. Habelə, restaylinq olunma barədə ixtisaslaşdırılmış servis tərəfindən arayış alınaraq DYP Qeydiyyat İdarəsinə təqdim olunaraq proses həyata keçirilir.

Siz 41-60 km/saat sürət həddini aşmaqla İnzibati Xətalar Məcəlləsinin 328-maddəsinin 3-cü bəndi ilə tənbeh olunmalı və 200 manat cərimə və 3 bal sanksiyası tətbiq olunmalı idi.

Bu cərimə isə yalnız xüsusi texniki vasitənin (radar) vasitəsilə avtomatik tərtib oluna və ani mərkəzləşdirilmiş sistemə oturmalıdır.

Buna görə YPX əməkdaşının sizi saxlaması, şöbəyə aparması və sair hallar qanunsuz haldır. Alınan pul vəsaitləri isə korrupsiya halıdır.
Belə hallarda Baş Prokuror yanında Korrupsiyaya qarşı Mübarizə İdarəsinə şikayət ünvanlanmalıdır.

Maddə 122. İnzibati xəta hadisəsi foto və ya video qeydiyyat funksiyalarına malik xüsusi texniki vasitələrin köməyi ilə aşkar edildikdə icraatın aparılması qaydası
122.1. Bu Məcəllənin 327.1 - 327.5, 327-1.1, 328, 329.1, 329.2, 330, 339.1-1, 346, 346-1, 353.1, 353.2, 353.4, 353.5 və 469.3-cü maddələrində nəzərdə tutulmuş xətalar foto və ya video qeydiyyat funksiyalarına malik xüsusi texniki vasitələrin köməyi ilə aşkar edildikdə, xüsusi texniki vasitələrin məlumatları müvafiq icra hakimiyyəti orqanının müəyyən etdiyi orqanın (qurumun) müvafiq informasiya sisteminin proqram təminatı əsasında real vaxt rejimində elektron formada birbaşa həmin mərkəzi informasiya sisteminə ötürülür, inzibati xətanı törətmiş şəxsin iştirakı olmadan real vaxt rejimində, “Elektron imza və elektron sənəd haqqında” Azərbaycan Respublikasının Qanunu ilə müəyyən edilmiş qaydada elektron sənəd şəklində və bu Məcəllənin 122.1-1-ci maddəsinə uyğun olaraq “İCMAL” informasiya sistemi tərəfindən unikal nömrə verilməklə inzibati tənbeh vermə haqqında elektron qərar çıxarılır və həmin mərkəzi informasiya sisteminin müvafiq səlahiyyətli əməkdaşının elektron imzası ilə təsdiqlənir. Təsdiq edilmiş həmin qərar real vaxt rejimində, xüsusi texniki vasitələrin məlumatları əlavə edilməklə, elektron qaydada müvafiq icra hakimiyyəti orqanının informasiya sisteminə göndərilir. Bu Məcəllənin 346-1-ci maddəsində nəzərdə tutulmuş inzibati xətaların törədilməsi barədə təsdiq edilmiş qərarlar real vaxt rejimində həmçinin müvafiq icra hakimiyyəti orqanının müəyyən etdiyi orqanın (qurumun) müvafiq informasiya sisteminə göndərilir.
122.5. Foto və ya video qeydiyyat funksiyalarına malik xüsusi texniki vasitələrin köməyi ilə aşkar edilmiş inzibati xətalara görə nəqliyyat vasitəsini dayandıraraq, törədilmiş belə xətalar haqqında inzibati xəta haqqında protokol tərtib etmək və ya inzibati tənbeh tətbiq etmə haqqında qərar çıxarmaq qadağandır. Bütün foto və ya video qeydiyyat funksiyalarına malik xüsusi texniki vasitələr müvafiq icra hakimiyyəti orqanının müəyyən etdiyi orqanın (qurumun) müvafiq informasiya sisteminə inteqrasiya olunaraq, həmin texniki vasitələrin köməyi ilə aşkar edilmiş inzibati xətalar haqqında yalnız bu Məcəllənin 122.1-ci maddəsində nəzərdə tutulmuş qaydada elektron qərar çıxarılır.

İnzibati Xətalar Məcəlləsi 327.1 - 40 (qırx) manat cərimə tətbiq olunmalıdır.
- Ara məsafəsi saxlanılmaması

İ.X.M. 330.0.1 maddəsi ilə cərimə tətbiq oluna bilməz.

Dəqiqləşdirdiyiniz məlumata əsasən Avro-5 standartı ilə dizel yanacaqlı yük avtomobilləri üçün dəm qazı (CO) normativi 1.5 g/kHw təşkil edir.

(Əsasnamə: Azərbaycan Respublikası Nazirlər Kabinetinin 19.08.2014-cü il tarixli, 339 nömrəli Qərarı)

Gündüz saatlarında idarə etmək olar. Lakin, dönmə işıqları da ön optik cihazın (faranın) üstündədirsə və dönmə işıqları təkrar olaraq (yan güzgüdə və ya sağ-sol qanadlarda) yoxdursa avtomobilin idarə olunması tövsiyə olunmur. Evakuatorla aparılması daha məsləhətdir.

Qeyd etdiyiniz kimi, sübut olaraq TŞK vasitəsiləri ilə buna aydınlıq gətirilə bilər.
İşıqforun yalnız qadağanedici işığında keçmək olmaz. Hətta sarı işıqda belə (sürət az deyilsə, ani əyləcləmə təhlükə yaradarsa) keçilə bilər.
Əgər protokol yazılıbsa, qərarsızdırsa, BDYPİ-nə müraciət edin.
Protokol qərarlı tərtib olunubsa, protokolun qərarından (sübut tələb etməklə) məhkəməyə şikayət edə bilərsiz.

Keçid: e-xidmet.mia.gov.az/e-appeal

İlk növbədə avtomobil marka üzrə ölkədə rəsmi distribyutoruna, servisinə müraciət edilməli və səs-küy desibeli ölçülməli, səsboğucuya müdaxiləsi olub-olmaması barədə rəsmi qaydada arayış alınmalıdır.

Sadə avtomobillərdə 74dB, idman üslublu avtomobillərdə 90dB səs desibeli həddi olur.

Əgər müdaxilə olunmayıbsa və səs-küy həddini keçirsə İnzibati Xətalar Məcəlləsinin 342.5-ci maddəsi ilə avtomobil nasaz olduğuna görə sizə 50 (əlli) manat cərimə yazılır.
Yox, əgər müdaxilə varsa və səs-küy həddini aşırsa, İ.X.M. 342.3-cü maddəsi ilə 500 (beş yüz) manat cərimə tətbiq olunur.

Əlavə avadanlıq quraşdırıldığı (yerindəcə aradan qaldırılması mümkün olmadığı) təqdirdə avtomobil müvəqqəti saxlama duracağına yerləşdirilə bilər.

Avtomobil nasaz olduğu halda duracağa yerləşdirilməsi isə qanunla tələb oluna bilməz. Çünki, avtomobil nasaz olduqda onun İ.X.M. 98-ci maddəsi ilə istismarı qadağan edilir. Sürücünün idarəetmədən kənaşdırılması tətbiqi digər hallarda 96-cı maddə ilə nəzərdə tutulur.
Avtomobil nasazdırsa, avtomobil evakuatorla servisə (ustaya) aparılır.

Habelə, istənilən halda YPX əməkdaşı tərəfindən protokol tərtib olunmalıdır.

Dövlət orqanlarının və əməkdaşlarının qanunsuz əməlləri və ya hərəkətsizliyi olduğu təqdirdə Respublika Baş Prokurorluğuna (012 961 qaynar xəttinə şifahi) müraciət oluna bilər.

İ.X.M. 98. Nəqliyyat vasitələrinin istismarının qadağan edilməsi
Tormoz sistemi və ya sükan idarə mexanizmi nasaz olan və ya xarici işıq cihazları və ya qabaq şüşənin şüşə silgəcləri, şüşəyuyanları və ya təkərləri və şinləri və ya mühərriki, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarı müvafiq icra hakimiyyəti orqanı tərəfindən qadağan edilir.

İ.X.M. 96.1.5. nəqliyyat vasitəsində normativ tələblər pozulmaqla avadanlıq quraşdırıldıqda və ya dəyişdirildikdə, nəqliyyat vasitəsinin ban şüşələrinə qanunla tətbiqinə icazə verilməyən örtüklər çəkildikdə, nəqliyyat vasitəsi müvafiq icazə olmadan xüsusi səs (çoxavazlı) və ya sayrışan işıq siqnalları ilə təchiz edildikdə, bu pozuntuları yerində aradan qaldırmaq mümkün olmadıqda;

İ.X.M. 342.3. Mühərrikin səs gücünün artırılması məqsədi ilə nəqliyyat vasitəsinin işlənmiş qazları xaric etmə sisteminə normativ tələblər pozulmaqla avadanlığın quraşdırılması və ya dəyişdirilməsi - 500 (beş yüz) manat cərimə tətbiq olunur.

İ.X.M. 342.5. Xarici işıq cihazları və ya qabaq şüşənin şüşə silgəcləri və şüşəyuyanları və ya təkərləri və şinləri və ya mühərriki, yaxud konstruksiyasının digər ünsürləri nasaz olan və belə nasazlığın aradan qaldırılması mümkün olmayan nəqliyyat vasitəsinin istismarı - 50 (əlli) manat cərimə tətbiq olunur.

İ.X.M. 97.2. Nəqliyyat vasitəsinin saxlanılması səbəbinin aradan qaldırıldığı barədə lazımi sənədlər təqdim edildikdən və ya xətaya görə inzibati tənbeh verildikdən, nəqliyyat vasitəsinin duracağa gətirilməsi və onun orada saxlanılması üçün haqq ödənildikdən dərhal sonra, saxlanılmış nəqliyyat vasitəsi sahibinə qaytarılır.

Səsboğucuya müdaxilə aşkar edilmədikdə, rəsmi servisdən verilmiş arayış aidiyyatı DYP İdarəsinə təqdim olunur və sadəcə nasazdırsa, cəriməsi ödənilir və evakuatorla müvəqqəti saxlama duracağından çıxarılır.